Langaði bara að segja ykkur að..

...það er ÆÐISLEGT hérna! Vá hvað ég sé ekki eftir að hafa komið hingað út..

Hér eru samankomnar allar helstu steríótýpur sem maður finnur bara til að spila tónlist og þvílík stemning, búið að vera geggjað veður og af því að þetta er bara intro vikan þá er rosalega mikill frítími.. Þá situr maður bara við borðin fyrir utan húsin að spjalla eða inni á caféinu og það er alltaf einhver með gítar, eða að syngja eða tónlist í gangi.. Nú svo er fótboltavöllur hérna, körfuboltavöllur, maður getur farið í tennis eða blak eða borðtennis og rúsínan í pylsuendanum er svo boccia völlurinn:) já hér er sko allt sem maður þarf á að halda.. Á kvöldin eru svo alltaf einhverjir uppi í stóra sal eða æfingaherbergjunum með rafmagnsgítara, bassa, trommur, hljómborð, det hele bara að spila og syngja og hafa gaman... Ekkert smá klárir krakkar, enda mikill áhugi sem kemur mönnum ansi langt:)

Við erum búin að skila inn blaði fyrir valfög sem við vildum taka, ég valdi t.d. Tekst og musikværksted, gítartíma, píanótíma og fleira skemmtilegt... svo skráði ég mig líka í TriYoga... gæti verið spennandi;) Við fáum samt ekki að vita fyrr en á sunnudag hvort við fengum allt sem við völdum, þá fáum við stundaskrána okkar. .

En það er búið að skipta hópnum upp í nokkur "sammenspilshold", þ.e. grúppur sem koma til með að spila saman í vetur og fara í tónleikaferðalag saman.. Við á sönglínunni fórum í smá viðtal til kennaranna, sungum eitt lag og sögðum þeim aðeins frá okkur sjálfum og hvernig tónlist okkur langaði mest til að spila.. Mér líst rosa vel á hópinn minn, við komum líklegast til með að spila alternative rock/pop í bland við indie pop/rock... frekar opið samt allt saman, er mjög spennt fyrir að byrja! Svo eru hinir hóparnir mjög misjafnir, m.a. eitt metalband, tvö jazz bönd og eitt funk/soul..

Danskan er öll að koma til, er farin að skilja bara langflest og með aðeins minni hausverk á kvöldin þegar ég fer að sofa.. Það hefur samt ábyggilega aldrei verið sagt jafn oft við mig "hvad siger du?" eða " en gang til" eins og í þessari viku, en það er bara fyndið:) kemur allt saman hehe..

En ég er búin að læra það að það er eitt orð sem er alveg nauðsynlegt að kunna þegar maður er í Danmörku og það er FEDT. FEDT kemur í staðinn fyrir kúl, töff, æðislegt, geggjað, frábært, og oftar en ekki er áhersla lögð á það með því að segja t.d. MEGAfedt, SUPERfedt eða rigtig fedt haha.. Svo er ég búin að betrumbæta þetta aðeins hjá þeim og kenna þeim að nota ógeðslega sem áherslu eins og við gerum á Íslandi.. "Ulækker fedt" eða "ulækker godt" hahaha... þeim fannst það frekar skondið;)

Mér finnst samt alveg magnað að Danir skuli ekki eiga nema eitt og sama orðið yfir fyndið og svo skemmtilegt.. það er bara allt sjovt.. frekar fátæklegur orðaforði eitthvað;)

En ætli það sé ekki best að fara að koma sér í háttinn svo maður verði ferskur á festinu annað kvöld, klukkan orðin aðeins of margt:) en ég hlakka ekkert smá til, verður bara gaman..

Hvert hús á svo að koma með skemmtiatriði, erum búin að fá nótur að einhverjum gömlum, dönskum eurovision lögum sem við eigum að koma fram með.. MEGAFEDT;) hehe

Enda þetta á mynd af okkur íslendingunum við innritunina á sunnudaginn, eins og álfar út úr hól búin að dröslast með allan farangurinn milli lesta og strætóa:)

Geiri, Palli, Heisi og svo glittir í mig þarna fyrir aftan.. vantar bara Helga og Árna;) Ret fede mennesker ik?

Vi ses!

__________________________

Hahaha eitthvað misskildi útlendingurinn ég verkefnið:) það verður ss lítil "Melodie Grand Prix" (forkeppni júróvisjón í Danmörku) á festinu í kvöld og hvert hús átti að semja lag til að flytja... sem við erum búin að vera að vinna að í allan dag og það er sko megafedt, það get ég sagt ykkur! Þar sem við erum í húsi númer SEX þá var auðvitað nauðsynlegt að hafa smá neðanbeltishúmor í þessu..

Skelli hérna textanum inn fyrir ykkur til að njóta, verðið bara að ímynda ykkur hvað þetta er flott laglína... spurning samt hvort að þið skiljið textann;)

House of Nymfos

Nu står vi her

Så godt ud vi ser

Vi er fra hus seks

og vi er mega læks

Stemningen er i top

kan ikke få nok

Drengene smider det hele

og nu skal pigerne dele

Viðlag:

Vi bli'r kaldt nymfomaner

vi elsker krøllede lagner

Når vi ser vores snit

bruger vi sengene tit ah ah ah

Nu ved i hvem vi er

I har meget at lær'

Det er vores stil

både i seng og i bil

Vi bli'r kaldt nymfomaner
vi elsker krøllede lagner
Når vi ser vores snit
bruger vi sengene tit ah ah ah...

Enginn vafi á að við eigum eftir að rústa þessu!;)