Blog nummer to

Hej allesammen:)

Er ekki kominn tími á nýja færslu, svei mér þá ég held það bara..

Ég er komin út og byrjuð í skólanum, það hafðist á endanum að dröslast með allan farangurinn í 3 strætóa og lest, mjög gaman allt saman í steikjandi hita og raka í Kaupmannahöfn:) Það er reyndar líka búið að vera rosa gott veður hér, sól og hiti, en sem betur fer ekki svona rakt eins og þar! Tók því varla að fara í sturtu þar, varð bara strax sveitt aftur hehe..

_____________________________

En skólinn er alveg lengst úti í sveit hérna á Sjálandi, er samt hálfpartinn inni í Jyderup sem er sveitaþyrping ekki ósvipuð Rauðalæk fyrir þá sem vita hvar hann er.. en hér er skógur allt í kring, fullt af trjám og bara voða gott að vera:) Reyndar allt morandi í köngulóm, maurum, sniglum, geitungum og einhverjum mjög undarlegum flugum sem ég myndi kalla drekaflugur, en heita víst "guldsmid".. ég er búin að ákveða að þær séu stórhættulegar og ætla ekkert að vera að koma of nálægt þeim:)

Svo er líka allt úti í pínkulitlum froskum sem hoppa út um allt, þeir eru voða dúllulegir..

_____________________________

En nóg af blaðri um náttúruna og dýralífið hérna, mér líst alveg ofsalega vel á allt hérna.. Ég hellti mér bara strax út í dönskuna á full swing og hef eiginlega ekkert talað ensku neitt... nema bara svona í ýtrustu neyð, og ég verð að segja að ég kom sjálfri mér nú bara nokkuð mikið á óvart í kunnáttunni! Einn strákurinn í gær var reyndar alveg viss um að ég væri norsk, hreimurinn eitthvað að klikka;) en það kemur nú allt með kalda vatninu, þarf bara að skella kartöflu í kokið á mér og þá kemur þetta hehe..

Skólinn er í nokkrum byggingum, sjálft skólastarfið fer fram í stærsta húsinu, þar er líka hálfgert kaffihús á neðstu hæðinni, svo er mötuneytið í einu húsi og svo búum við í 7 húsum, ca 10-12 manns í hverju.

Við erum 6 íslendingar hérna, 5 strákar og svo ÉG hehe.. svo er reyndar líka einn strákur hérna sem á íslenska mömmu en danskan pabba og hefur alltaf búið í Danmörku, en talar samt íslensku líka.

Ég er með danskri stelpu í herbergi sem heitir Rikke, ekta nafn til að æfa danska R-ið á:) hún er rosa hress og skemmtileg, líst bara mjög vel á hana.. við erum líka komnar í skokkhóp, fórum um 9-10 krakkar út að hlaupa í morgun svaka dugleg alveg! En það er rosa skemmtilegt stemning hérna og allir greinilega komnir hingað til að skemmta sér og lære flere mennesker at kende

_____________________________

Í gærkvöldi var bara kynning á skólanum og smá hópefli, fórum í einhverja leiki til að æfa nöfnin og svona, frekar fyndið að heyra þau reyna að bera fram nöfnin á strákunum, Geirharður, Heiðar og Páll eru allt frekar erfið nöfn fyrir danina.. svo er auðvitað Anna Hansen afskaplega flókið fyrir þau líka, alíslenskt auðvitað hehe.. en ætli það sé ekki álíka fyndið fyrir þau að heyra okkur reyna!

Svo er fyrsta vikan bara svokölluð "intro-uge", bara verið að kynna fyrir okkur hvað við erum að fara að gera og hvað við getum valið okkur sem aukafög.. í dag var okkur m.a. skipt í hópa, og í hverjum hóp voru allar gerðir af hljóðfærum, gítarar, bassi, trommur, hljómborð og svo söngvarar. Hópunum var svo plantað í nokkur herbergi þar sem kennararnir skiptust á að koma til okkar og kenna okkur, en í flestum tímunum var þetta bara "spuni", áttum bara að byrja að spila og syngja og búa til lög, mjög gaman:) Jam sessions..
Svo er það bara "intro-FEST" á föstudaginn, þá verður nú eitthvað skrallað!

_____________________________

En þetta er orðið nógu langt í bili tror jeg, bið að heilsa heim í heiðardalinn

Hej hej

Anna hin danska