2/3 tónleikar

Hey folks...

Skelli hérna inn upptöku af tónleikunum sem voru síðasta laugardag..

Var að prófa nýju hlutina sem ég er búin að vera að læra, EDGE og DISTORTION hehe..
Tók Cryin' með Aerosmith, hækkaði það örlítið ...

Vantar sumsstaðar á hæstu köflunum aðeins meira "twang" (sem þið vitið að sjálfsögðu vel hvað er ekki satt?) og meiri stuðning, ekki alveg fullkomið, en... maður er alltaf að læra ekki satt!??

Ég skemmti mér allavega alveg konunglega við að syngja það, svo vel reyndar að ég gleymdi á einum stað að það ætti að vera solo hahaha...

jæja.. hér er þetta allavega... vona að þið njótið vel..

Allt frábært að frétta annars:)

Hilsen Anna Oh!

Enn á lífi :)

Ætli það sé ekki best að skella inn smá færslu svo þið haldið nú ekki að það sé búið að skjóta mig niður!


Allt glimrandi að frétta af mér, róleg helgi hjá mér, sit hérna ein heima á laugardagskvöldi og hef það voða, voða huggulegt með tölvuna í fanginu og eitthvað stjörnuslúður í sjónvarpinu.
Dagurinn fór annars í ræktina, var uppi í skóla að æfa og svo kíkti ég aðeins á Stine og Emilie en þær voru að flytja í nýja íbúð á Amagerbro..

Margt búið að gerast frá síðasta pistli

Í fyrsta lagi vorum við í viku haustfríi um daginn - ágætt að fá smá breik en það var líka rosalega gott að byrja aftur.. held að allir hafi saknað skólans rosalega mikið :)
Þetta er nefnilega algjör snilldarskóli - og svo góður hópur.. höfum heyrt einhverjar sögur af því að í fyrra hafi verið eitthvað um prímadonnustæla og samkeppni og svona í bekkjunum .. en það er sko alls ekki hjá okkur

Allir bara þarna til að læra og hafa gaman og styðja við bakið á hvoru öðru :)

Í síðustu viku var "Songwriting Week".
Þá var ekki venjuleg kennsla heldur voru alls konar tímar til að hjálpa okkur við lagasmíðar, fengum alls konar tips hvernig við gætum sótt innblástur ef við værum stopp og svoleiðis...

svo var okkur skipt upp í hópa og hver hópur átti að semja lag til að flytja á tónleikum á fimmtudagskvöldinu.. Ég var í hóp með Arnari og danskri stelpu sem heitir Julie, og okkur gekk svona líka vel, fórum alveg á flug og kláruðum lagið nánast á einum og hálfum degi..

Slógum náttúrulega alveg í gegn á tónleikunum, en lagið okkar heitir Sparkling Glamour og er ástarljóð frá manni til míkrafóns hahaha... algjör steypa og við skemmtum okkur sko konunglega við þetta:)

Set hérna inn link þar sem þið getið downloadað upptöku af tónleikunum:

SPARKLING GLAMOUR! - ANNA, ARNAR & JULIE

Tónleikarnir sjálfir voru svo algjör "hygge".. allir komu með einhverjar smá veitingar, byrjuðum á að borða saman og svo fluttu allir sitt... við Arnar komum með heitan brauðrétt með aspas og slógum sko aldeilis í gegn.. fyndið ég sem hélt að íslendingar hefðu lært að gera svoleiðis af dönum.. en það virtist enginn hafa smakkað svona áður!


Allt að verða klárt fyrir tónleikana og kræsingarnar allar komnar á borðið!

Lára vinkona hennar Telmu kom í heimsókn eina helgi um daginn og við kíktum í afmæli til Róberts sem er að vinna með Telmu


Haffi, Arnar og Sigga hress á því


Ég og Haffi og ég með pósuna mína góðu haha...


Lára, ég og Telma - HISSA!!




Arnar og ég að rembast við að taka sjálfsmynd


Ég og afmælisbarnið

Lára var svo sæt í sér að lána Arnari smá af hárinu sínu

***

Annars er mér hætt að lítast á hvað er stutt eftir af skólanum... 1. nóvember í dag sem þýðir að það er ekki nema einn og hálfur mánuður í skólaslit... úfff væri sko alveg til í að hann væri lengur!! Þetta er svooo gaman

Um daginn var td. klassískur masterclass þar sem allir áttu að velja sér eitthvað klassískt lag.. ég valdi Habanera úr Carmen.. og hafði rosa gaman af! Ekkert smá árangur sem maður nær á einum tíma með þessum kennurum!! Gaf Mariu Callas bara ekkert eftir svei mér þá.. hehe nei segi svona:)
Svo vorum við núna síðast með Cathrine Sadolin sjálfa í masterclass... sú kona vinnur hratt og hnitmiðað það er alveg á hreinu! Veit sko alveg um leið hvað það er sem maður þarf að vinna í og hvernig maður nær því!

Ég er annars búin að vera mikið að æfa "Edge-ið" mitt ... tónleikar um næstu helgi þar sem ég ætla að syngja " Cryin' " með Aerosmith

Getið hlustað á það hér fyrir þá sem ekki vita hvaða lag það er

http://www.youtube.com/watch?v=1HD3Sqlcm3o

Ég er búin að hækka það um einn og hálfan tón, en það verður hljómsveit sem spilar undir! Ætla líka að reyna að setja smá "distortion" á það...
Spennandi!
Aldrei að vita nema það sé hægt að semja við einhvern að taka upp á vídjó eins og síðast - og jafnvel þá ALLT lagið en ekki bara helminginn hehehe....

Svo eru aftur tónleikar 18. nóv í kirkju á Frederiksberg.. þar ætlum við Arnar að syngja dúett.. aftur tónleikar sem við sjálf skipuleggjum þann 28. nóv... og svo aftur lokatónleikar í desember... nóg framundan eins og þið sjáið!!!

En jæja... komið gott í bili ... er að fara að vinna í fyrramálið .. og ekki á Hereford, kom í ljós að það var víst ekkert mikil vinna í boði þar eftir allt saman.. svo að ég verð að vinna hér í staðinn

www.bottega.nu

Voða kósý staður, svona kaffihús/veitingastaður með létta ítalska rétti og bar á kvöldin...
hef rosa góða tilfinningu fyrir þessu!

Svo er það bara upp í skóla eftir vinnu á morgun að æfa EDGE!! og digital masterclass á mánudaginn...

Skelli hérna inn link í lokin sem ég mæli með að þið kíkið á, af Cathrine að kenna einhverri gellu að "distorta" eins og maður segir á góðri íslensku..
Mögnuð kelling! :)

Masterclass með Cathrine

Ciao í bili

ykkar einlæg Anna

...in the ghettoooo

http://nyhederne.tv2.dk/krimi/article.php/id-17010883.html

Jájá þetta var hérna áðan, við Telma kíktum út í búð að versla í matinn og ætluðum að fara með pantinn ... Pantvélin var svo biluð þannig að Telma ákvað bara að bíða úti með flöskupokann meðan ég kláraði að versla...

Haldiði þá ekki að það sé byrjað að skjóta beint fyrir framan búðina.. hrundi úr múrsteinunum í veggnum við hliðina á henni.. þetta er náttúrulega ekki í lagi !!! Svo var allt í einu allt fullt af löggum og búið að strengja gula borða úti um allt.. meira ruglið..


....og rétt í þessu var löggubíll að bruna framhjá á milljón fyrir utan hjá okkur....


Á einhver skothelt vesti til að lána mér???

11. október

Mikið rosalega líður tíminn hratt - vá
Að verða kominn miður október - jólin verða komin áður en maður veit af svei mér þá!!

Sit hérna heima í letikasti á laugardegi, ekkert annað í stöðunni en að blogga smá!

Lára vinkona hennar Telmu er í heimsókn og þær eru einhvers staðar niðri í bæ að spóka sig..

Allt rosa gott að frétta héðan og alltaf eitthvað skemmtilegt að ske.. er ekki málið að fara aðeins yfir það sem er búið að vera um að vera síðustu vikur...

Í fyrsta lagi fjárfestum við í sjónvarpi og erum búnar að vera ansi duglegar í SexyTime:)
(sem er auðvitað Hringbrautarlingó fyrir að horfa á Sex and the City)

Haldiði að sé fínt - fengum þessa græju á 350 dkk:) og allir vita að flatskjár er sooooo 2007!!


Við hjálpuðum þessum hér að flytja

Eins og sjá má á myndinni af Haffa voru þeir að flytja út í SUBURBIA - glænýtt allt saman við hliðina á Fields..

Við Vignir brugðum aðeins á leik á nýju svölunum haha..

Kíktum svo í bæinn þar sem Arnar rakst á þetta líka fína skilti - "Men at work" hahaha

***

Helgina eftir kíkti bekkurinn minn "Ruby Team" í bústað.. svo heppin að Nicky sem er með mér í hóp á sumarhús ekki svo langt frá Kaupmannahöfn


Arnar og Frouke frá Hollandi

Rebecka frá Svíþjóð og Siv frá Noregi

Sundlaugin var of köld fyrir sundsprett - svo hún var bara nýtt í að kæla bjórinn hehe

Ég og Rebecka

Fórum í karaoke


Siv lét kuldann ekki á sig fá og fékk sér smá sundsprett morguninn eftir - frekar fyndið að sjá hana á sundi innan um allar bjórkippurnar hahaha

***

Ösp elskan kom svo líka í heimsókn til okkar frá Englandi og var hjá okkur frá föstudegi til þriðjudags

Kíktum m.a. í partý til Babs þar sem þemað var TransSexual, strákar klæddir sem stelpur og stelpur sem strákar

Klæddum okkur nú ekki upp en kenndum að sjálfsögðu nokkrum útvöldum "HISSA"

Telma að reiða Ösp - hahahaha

Æðislegt að hafa Ösp hér - eyddum góðum tíma í að tjilla, sex and the city, elda, baka pönnsur, versluðum smá ...
Rosa kósí!

***


Svo voru það auðvitað tónleikarnir um síðustu helgi og partý eftir þá, takk fyrir öll kommentin á vídjóið sem ég setti inn, gaman að fá viðbrögð:)

Ég er líka komin með vinnu með skólanum, á kvöldin og um helgar að þjóna á Hereford við Kongens nytorv.. ekkert vit að vera með íslenska peninga hérna núna!!


Í kvöld erum við svo að fara í afmæli hjá Róberti sem er vinur Arnars og Haffa og er að vinna með Telmu - verður án efa skrautlegt kvöld þar sem það verða aðallega íslendingar á svæðinu hehe..

Held að ég láti þetta duga í bili

Annars var ég með annan pistil í sunnlenska í gær fyrir þá sem vilja kíkja á hann

Baráttukveðjur heim í kreppuna :)

Knus Anna Oh!

Sneak peek

Smá sýnishorn af tónleikunum á föstudaginn - gekk rosa vel bara :)
Telma tók þetta upp á myndavélina sína svo þetta eru engin rosaleg gæði - svo náði hún ekki að taka nema helminginn af laginu því minnið á myndavélinni var búið .. en þetta er eitthvað samt!

Lagið sem ég tók heitir The Man Who Sold The World - David Bowie samdi það en Nirvana gerðu það líka frægt aftur...

Tveir bekkjarfélagar mínir spila undir - Siv frá Noregi og Dagfinn frá Færeyjum


Fyrir áhugasama þá er þetta aðallega curbing - nokkur vocal breaks yfir í neutral - og á einum stað má heyra þar sem ég geri það sem ég á voða mikið til og er ekki hollt - "push the volume in curbing"

hehehehehe

Njótið vel - lofa að skella inn annarri færslu og myndum mjög fljótlega :)

Knus Anna :)

Svo erfitt að finna titil á þetta alltaf hreint :)

Hæhæhæ

Þar sem ég er komin í helgarfrí ákvað ég að gefa mér smá tíma í að henda inn nýrri færslu fyrir ykkur fallega fólk!

Héðan er allt það besta að frétta og ég hef ekki enn orðið fyrir byssuskoti þrátt fyrir endalausar skotárásir og driveby hérna í nágrenninu.. ein þeirra var um hábjartan dag niðri á Nörrebrogade sem ég hjóla alltaf framhjá í skólann - meiri vitleysan... stríð milli Vítisengla og innflytjendaklíku hérna, efast nú um að þetta sé búið enn.. Löggan ætlar nú eitthvað að fara að herða öryggisgæsluna hérna, svo eru einhverjir íbúar líka búnir að hengja upp skilti á alla gljósastaurana hérna sem stendur á "Gun Free Zone".. Kreisí!!


Skólinn er annars bara æðislegur, líkar ekkert smá vel!
Kennararnir hafa svo gaman af því að kenna þetta og það skilar sér alveg, er búin að læra alveg helling af nýju dóti og hlakka til að læra meira..

Cathrine Sadolin, "guðmóðir" tækninnar ef svo má kalla, hún er búin að rannsaka allt varðandi söng og hefur farið rosa mikið í gegnum líffræðina á bakvið sönginn, það er búið að fara með myndavélar ofan í háls og skoða raddböndin og barkann og allt þetta og skoðað hvað er að gerast þegar maður syngur. Þetta gerir það svo miklu auðveldara að átta sig á tækninni og hvernig maður nær tónunum, þar sem maður sér það bara svart á hvítu hvað maður er að gera. Þegar maður syngur þennan tón fer tungan þangað, barkinn upp, strekkist á raddböndunum o.s.frv.
Allt annað en söngkennslan sem ég er vön, þegar maður átti að ná háa tóninum og var sagt að "hugsa upp og slaka á í hnjánum" og þá kæmi þetta hehe...

Spurning um að koma með smá nördapistil um það sem ég er að læra:)

_____

En öllum söng er hægt að skipta niður í 4 "mode"

Neutral, Curbing, Overdrive og Edge(hét belting áður)

Neutral er bæði með og án lofts á röddinni, og það er "non metallic"
Mjög mjúkt og ekki hægt að syngja mjög hátt í þessu modei, fyrr en komið er upp á allra hæstu nóturnar
Góðir sérhljóðar til að æfa neutral eru td. Ú og Í

Curbing er "half-metallic" og þar er komið smá "hold" á, ekki jafn opið og neutral
Góð leið til að finna curbing er að syngja á I og "UH" eins og "come" og gott að ímynda sér að maður sé smá að kvarta - getið hugsað um Britney Spears t.d. hún syngur mjög mikið í curbing.

Overdrive er "full metallic mode" og best að æfa á sérhljóðunum Ó og EI, og kjálkinn verður að mynda svokallað "bite" án þess þó að það verði of mikil spenna.
Mjög kraftmikið en bara upp að ákveðnum nótum, þá verður að skipta um mode til að halda kraftinum. Getið ímyndað ykkur þegar maður er að kalla á einhvern "HEY!" það er í overdrive:) Þetta er líka algengasta modeið til að tala í.

Svo er það Edge. Það er líka "full metallic" og mjög hávært, sker alveg í eyrun á fullum krafti! ég er td. búin að komast að því á þessum tíma að ég er mjög góð í þessu haha... til að ná þessu mode verður maður að setja mikið "twang" á röddina sem gerir að hún verður beittari, og svo kemst maður alveg upp á ótrúlegustu tóna. Aretha Franklin notar td. Edge á hæstu nótunum
(R.E.S.P.E.C.T. - find out what it means to me)

Ofan á þessi mode er svo hægt að bæta alls konar "effects" eins og vibrato, distortion(rokkhljóð), creaks(brak í röddinni) og líka hægt að leika sér með "sound color", ljósan eða dökkan og alls konar! Möguleikarnir eru endalausir hehe :)

Allir geta sungið í öllum modeum, það þarf bara að læra tæknina og koma henni inn í "the muscular memory" heheh... En samt magnað hvað þessi tækni hefur hjálpað mörgum, fullt af fólki sem hefur alveg misst röddina og farið til talsérfræðinga og alls konar og ekkert gengið, hefur fengið ótrúlegan bata eftir að hafa tileinkað sér þessa tækni!

En já þarna fenguði smá innsýn í það sem ég er að læra, ættum að sjá okkur í Techique tímunum þar sem við erum að stúdera þetta og gera hljóðin, hlusta á söngvara og greina hvaða mode þau eru að syngja í... bara nördalegt sko!! Maður er líka farinn að standa sjálfan sig að því úti á götu að greina hvaða modei fólk talar í og ef maður heyrir eitthvað lag fer maður strax að hugsa um það! haha..


Hérna er líka youtube myndband af Cathrine þar sem hún sýnir mismunandi mode og talar aðeins um tæknina - á dönsku reyndar hehe :)

_______

Námið byggist annars rosa mikið upp í kringum Masterclass tíma sem við erum í á hverjum mánudegi. Þeir virka þannig að við veljum okkur eitthvað lag til að vinna með og syngjum í tímanum, kennararnir skiptast svo á að kenna tímana og hjálpa okkur að komast í gegnum vandræðin í laginu og segja okkur hvernig við eigum að æfa þetta.. stundum er píanóleikari en stundum er líka svokallaður Digital Masterclass, þá látum við vita með viku fyrirvara hvað við ætlum að syngja og þau redda playbackinu.. gefur manni aðeins meiri vídd í lagavalið :) Eitt skiptið verður líka klassískur masterclass þar sem það er skylda að taka eitthvað klassískt lag, og enn annað skiptið verður það sem heitir "defined assignment" þar sem kennararnir ákveða lag fyrir okkur.. mjög spennandi :)


Svo er full meira, td. túlkunartímar þar sem við syngjum og förum í túlkunina á lögunum, oft er okkur líka skipt upp í "study groups" þar sem við vinnum saman og æfum tæknina.. Við erum líka í tímum sem heita "Rhythm and improvisation" þar sem við lærum um mismunandi taktskiptingar og að impróvisera á lögum og svona, einu sinni í viku er kór og svo fáum við líka kennslu í míkrafóntækni..


Bara gaman:)

Minn bekkur er svo að skipuleggja tónleika föstudaginn 3. október, verða haldnir uppi í skóla og hver syngur ca 2 lög, verðum með gítara og píanó, bara róleg og hyggelig stemning:)

_____

Svo er víst komin helgi og helgarfrí - erum að fara að hjálpa Arnari og Haffa að flytja á morgun, hugsa að við kíkjum svo eitthvað út eftir það.. ætlum annars í kvöld að fara og ná í sjónvarpið sem við erum að kaupa - fengum þetta líka fína notaða sjónvarp á 350 Dkk! Búnar að vera sjónvarpslausar OF lengi haha..
Svo er Ösp þessi elska búin að panta sér far um næstu helgi, kemur 26. og verður fram á 30 :) verður eitthvað skrallað þá..

Svo kemur Lára vinkona Telmu í heimsókn 2 vikum seinna - allt að gerast bara

Skellti inn nokkrum myndum frá síðustu helgi - getið tékkað á þeim

HÉR


Svo að lokum langar mig að sýna ykkur mjög forvitnilega síðu sem við vorum að skoða í technique um daginn þar sem er hægt að skoða vídjó af raddböndunum og hvernig þau virka


http://www.bmc.med.utoronto.ca/anatomia/intro.swf

smellið á larynx, svo á laryngoscopy og svo á normal anatomy

Dáldið magnað ekki satt!!

Hehehe...


Anna nörd kveður að sinni





Venlig hilsen from da hoood

Jæja

Verður bara stutt og laggott í þetta skiptið



Var að setja inn myndir sem þið getið skoðað

hér:

http://picasaweb.google.com/annahansen86/FyrstuDagarnirDK02#

set líka link hér til hliðar

Fullt af myndum af mér, löng sjálfsmyndasería af mér og Telmu, íbúðamyndir og fleira skemmtilegt:)



Eigum við eitthvað að ræða hvað við erum heppnar með útlit eða?? Hélt ekki!

Lofa að ég er svo alveg að fara að blogga!




Skelli samt hérna inn pistlinum sem birtist eftir mig í Sunnlenska í síðustu viku fyrir þá sem ekki voru búnir að sjá hann !

Sunnlenska 4. september 2008

"Það hlakkar í Dönum þessa dagana. Ég hjóla af stað í skólann og finn fyrir undarlegu augnaráði í minn garð. “Þessi hlýtur að vera Íslendingur” hugsar fólkið um stelpuna með plokkuðu augabrúnirnar og litaða hárið, enginn Dani myndi klippa sig svona. Fólkið pískrar, bendir á mig og hlær. Nyhedsavisen er farið á hausinn.

Innrás Íslendinga í danskt viðskiptalíf hefur farið frekar mikið í taugarnar á þeim síðustu árin, þessi litla þjóð sem eitt sinn heyrði undir danskt konungsríki hefur eytt fúlgum fjár í Danmörku undanfarin ár. Magasin du Nord, Nyhedsavisen, Illum - enginn skilur hvaðan þeir fá alla þessa peninga. Danirnir sem kaupa sér aldrei neitt nema eiga fyrir því fyrst og smyrja sér nesti í vinnuna til að eyða ekki óþarfa í hádegismat, þessir sem banka upp á hjá þér daginn eftir partý í þeim tilgangi að ná í tómu bjórflöskurnar sínar til að missa ekki “pantinn”, eru frekar ánægðir með þennan skell. Sjálf hef ég það gott svona nýflutt út, komin með þónokkrar freknur á nefið og skófar á tærnar eftir sólina sem skín við hvert tækifæri. Leigi íbúð í København Nord-Vest, steinsnar frá nýja Ungdomshúsinu. Hverfi sem er kallað Norð-VERST, vegna fjölda innflytjenda í bæjarhlutanum sem eru víst stórhættulegir. Ekki hef ég nú orðið vör við það og finnst ég bara nokkuð örugg í þessu rólega hverfi. Skellti mér í hjólatúr um daginn í góða veðrinu. Það tók aðeins lengri tíma en ég bjóst við því búið var að loka Nørrebrogade með mótorhjólum. Litla íslenska hjartað tók að slá örar í smá stund af ótta við að þarna væru að hefjast hörð mótmæli eða að þetta væru Vítisenglar sem ég hef heyrt að eigi sér samastað hérna í nágrenninu. Spurði nokkrar löggur sem stóðu og gúffuðu í sig pizzu og fékk að vita að þetta væri árviss viðburður hjá mótorhjólamönnum hér úti, hittast þarna og keyra svo saman út í Bakken til að skemmta sér. Ég andaði léttar, engin hætta á ferðum svo ég hélt leið minni áfram á sandölum í gegnum leðurklædda þvöguna.

Velti því samt fyrir mér hver kom þeim orðrómi af stað að það væri ekkert mál að hjóla í Köben. Sá hinn sami hefur greinilega ekki heyrt um mótvindinn og brekkurnar sem eru bara víst til hérna og gera manni erfitt fyrir í hitanum. Ég á líka voða erfitt með að átta mig á því þegar ég heyri “ding” fyrir aftan mig, að það þýði að ég sé fyrir. Stend oft úti á miðjum hjólastíg, fólk byrjað að dingla hjólabjöllunum til að fá mig til að færa mig en ég heyri ekkert. Annað sem ég á í vandræðum með eru vespurnar. Get ómögulega haldið kúlinu þegar ég sé þær koma fljúgandi í áttina að mér. Búin að lenda í því þónokkrum sinnum að gera mig að fífli með hóp af Dönum, horfi á þau slá vespurnar frá sér og í áttina að mér og ég dett svo aftur fyrir mig í móðursýkiskasti. Afskaplega asnalegt allt saman. Að ekki sé nú minnst á það þegar ég datt af hjólinu á leiðinni yfir götu við Nørreport-station. Stýrið losnaði og fór til hægri, hjólið sjálft til vinstri og ég í götuna. Ofsa kúl á því. Það er ekki alltaf tekið út með sældinni að vera Sunnlendingur í Kaupmannahöfn, það er sko alveg á hreinu"

Knús í bala

Anna